“𝐏𝐚𝐠𝐭𝐚𝐭𝐚𝐫𝐚𝐛𝐚𝐧𝐠𝐚𝐧, 𝐏𝐚𝐠𝐤𝐚𝐤𝐚𝐬𝐚𝐫𝐚𝐫𝐨 𝐚𝐬𝐢𝐧 𝐏𝐚𝐠𝐤𝐚𝐦𝐨𝐨𝐭 𝐬𝐚 𝐛𝐚𝐧𝐰𝐚𝐚𝐚𝐧 𝐧𝐢𝐧 𝐓𝐢𝐧𝐚𝐦𝐛𝐚𝐜.”

𝗢𝗔𝗧𝗛-𝗧𝗔𝗞𝗜𝗡𝗚 𝗖𝗘𝗥𝗘𝗠𝗢𝗡𝗬

𝑵𝒆𝒘𝒍𝒚 𝑬𝒍𝒆𝒄𝒕𝒆𝒅 𝑴𝒖𝒏𝒊𝒄𝒊𝒑𝒂𝒍 𝑶𝒇𝒇𝒊𝒄𝒊𝒂𝒍𝒔

𝐽𝑢𝑛𝑒 30, 2025 | 3:00 𝑝.𝑚 , 𝑇𝑖𝑛𝑎𝑚𝑏𝑎𝑐 𝑆𝑝𝑜𝑟𝑡𝑠 𝐶𝑜𝑚𝑝𝑙𝑒𝑥

Kansuodma, Hunyo 30, 2024, pormal na pigsaguibo an opisyal na pagsumpa kan mga bagong elehidong opisyales kan banwaan sa pangingenot kan bagong magtukaw na alkalde, Hon. Edward Albert “Bobit” P. Prades. An pagpasumpa pinag administrar ninda Punong Barangay Crisanto Abrera Jr. kan Barangay San Pascual, Punong Barangay Raul San Antonio kan Barangay Cagliliog, asin Punong Barangay Danilo O. Milanay kan Barangay Sogod. Sa pagtukaw ni Mayor Bobit, dara nya an timon kan tunay na pagbabago, pagtatarabangan, pagkakasarao, asin pagkamoot sa lambang Tinambaqueño.

Sa saiyang pagsumpa kan suodma bilang bagong alkalde kan banwaan, pigsyerto man kan satong humilde, matibay, asin maboot na alkalde, na sa lindong kan saiyang administrasyon, an gabos na rekursos kan banwaan mapapatama an pagpadalagan, an mga programa hali sa nasyonal maibababa sa banwaan urog na sa kasaraditan, siring man an pagkakaugwa nin pintuan na pirming bukas sa lambang namamanwaan, serbisyong malalaoman, asin lideratong madara sato pasiring sa sarong matanos asin silag na pag gobernar.

Presente man sa okasyon si Mayor Philip Dumalasa, kan banwaan nin Calabanga, kaibahan an iba pang alkalde asin opisyales kan pagtaraid na banwaan, siring man si Mr. Bong Rodriguez , dating Mayor Sabas “Abang” Mabulo, SK Chairpersons, department heads, Public Schools District Supervisors kan Tinambac, Principals, School Heads, Civil Society Organizations, representantes kan Ako Bicol Partylist, TGP Partylist, asin iba pang mga ahensyas de gobyerno, siring man an mga kapamilya, asin mga padangat nyatong mga kahimanwa asin lideres gikan sa 44 na barangay kan banwaan.

Sa liwat, sa ngaran po kan Lokal na Gobyerno kan Tinambac, an satuya pong pagpaabot nin pagbati sa bilog na elehidong opisyales kan satuyang padangat na banwaan!