Ngunyan na Sabadong banggi, tulos man na pinadarahan nin food packs kan Lokal na Gobyerno kan Tinambac sa pamamayo ni Mayor Edward Albert “Bobit” P. Prades asin kan Sangguniang Bayan an 19 na stranded na mga pasahero sa Tamban Port na mga taga-Barangay Himanag asin Sipaco sa Lagonoy, asin Barangay Sumaoy sa Garchitorena. Prayoridad ta an mga kahimanwa alagad dai ta man pwedeng pabayaan maski an mga taga-ibang lugar sa panahon nin rimalaso, urog na kun sinda responsibilidad kan satuyang pasilidad.

Coordinated po sinda sa harong na harani sa Tamban Port kun sain pwede nindang sapnaon an bagas asin lutuon an panira.