Igwang antigong kasabihan an katugangan tang mga Tagalog na pirmi sanang bago dawa pa sa siring tang mga Tinambacqueño:

“Ang hindi lumingon sa pinanggalingan ay ‘di makararating sa paroroonan.”

Danay an saysay kan tataramon na ini sa gabos na panahon.

Kaya sa kamawotan tang magin #progresibo an Banwaan kan Tinambac –sa Bagong Paglaom–kaipuhan tang magsalingoy sa nakaagi, kun sain kita nagpoon asin kun pano kitang padagos na binubugkos kan sasarong ginikanan, ano man an kolor kan satuyang presenteng kaisipan.

Mana, kahimanwa, sa pag-gamiaw bako sana sa luminihis na panahon kundi sa istorya kan kapinunan kan daga tang tinubuan, na padagos kitang boboronyogon sa tahaw kan pagkakaiba kan pinipili tang mga dalan.

Ta mayong dusay na mamakulog sa Tinambac kun bakong ako, ika, asin kita–na sagkodpaman saro sana an rona .