196𝐭𝐡 𝐓𝐢𝐧𝐚𝐦𝐛𝐚𝐜 𝐅𝐨𝐮𝐧𝐝𝐚𝐭𝐢𝐨𝐧 𝐀𝐧𝐧𝐢𝐯𝐞𝐫𝐬𝐚𝐫𝐲
1𝐬𝐭 𝐂𝐨𝐦𝐦𝐞𝐦𝐨𝐫𝐚𝐭𝐢𝐯𝐞 𝐂𝐞𝐥𝐞𝐛𝐫𝐚𝐭𝐢𝐨𝐧 !
𝑆𝑒𝑝𝑡𝑒𝑚𝑏𝑒𝑟 24, 2025
𝐏𝐀𝐑𝐓 3.0
An selebrasyon kan ika -196th Foundation Anniversary kan Tinambac dakulang orgulyo nin huli ta iyo ini an pinakaenot na selebrasyon kan anibersaryo kan pagkamukna kan banwaan sa lindong kan administrasyon ni Mayor Edward Albert “Bobit” P. Prades.
An siring na okasyon dai sana minapagirumdom kan satuyang makolor na kasaysayan o kapinunan kundi nagtatao man ini nin inspirasyon sa presenteng panahon hasta sa masunod na henerasyon.
Ipinapahiling kaini na an Tinambac sarong banwaan na may mayaman na kultura, pagkakabisto, asin ugwang malinaw na direksyon para sa progreso.
An samuya pong pagtao nin pasasalamat gabos na nagpartisipar sa aktibidad kan subago, sa bilog na myembros kan Sangguniang Bayan, empleyados kan gobyerno lokal, department heads, public schools district supervisors, school heads, mga maestra asin asin maestro, mga estudyante, civil society organizations, PNP Tinambac, BFP Tinambac, mga kahubenan, stakeholders, line agencies, asin gabos na naging parte, nagsakripisyo asin nakisumaro
para sa matrayumpo asin makahulogan na selebrasyon sa banwaan.
An okasyon na ini patunay kan satuyang pagkakasararo asin pagkamoot sa banwaan na iyo an ladawan kan tunay na kusog kan satuyang komunidad asin banwaan na progresibo.
Sa liwat, Dios mabalos po saindo gabos, sa ngaran kan satong lokal na gobyerno!
MABUHAY AN BANWAAN NIN TINAMBAC!
