800 na Sako nin Banhi

Ngunyan na aldaw nin Martes, Desyembre 16, 2025, dagdag 800 na sako nin banhi an pinag-alokar sa banwaan asin naresibe kan Lokal na Gobyerno kan Tinambac hale sa Department of Agriculture -Philippine Rice Research Institute (DA-PHILRICE), target beneficiaries kan RC -222 Inbred Rice seeds iyo an mga rehistradong paraoma sa RSBA o an Registry System for Basic Sectors in Agriculture.

Nagtutubod an administrasyon ni Mayor Bobit Prades na saro sa mga pundasyon kan pag progreso kan komunidad, kun an lambang pangangaipo sa lado kan agrikultura natututukan. An agrikultura sa banwaan saro sa mga prayoridad na programa ni Mayor Bobit, obheto kaini na mas papusogon pa an food security sa satuyang banwaan.

Dios Mabalos, Department of Agriculture Regional Office V, siring man sa Philippine Rice Research Institute(PHILRICE) sa padagos na suporta sa satuyang mga paraoma na mga #AkiKanTinambac.

Dakula man an pasasalamat sa satuyang Municipal Agriculture Office sa pamamayo ni OIC- Municipal Agriculturist Joppet A. Barrameda, siring man ki Konsehal Ruel T. Velarde, Committee on Agriculture, na katuwang kan satong alkalde asin kan lokal na gobyerno sa paghimo nin mga proyekto asin programa na nakasentro sa agrikultura kan banwaan.

Sa #BanwaanProgresibo, syertong #BidaSaPasko an lambang paraomang Tinambacqueño!