Magayon na bareta! An pagbisita kan Department of Social Welfare and Development (DSWD) 4Ps Team sa banwaan nin Tinambac, sa pangengenot ni Mr. Jobel Desacada, RSW- PDO II/Municipal Link OIC, kaibahan si Ms. Maria Julia de la Cruz, RSW-DSWD National Programs Focal Person, sarong positibong pangyayari na nagpapatunay kan pusog na pagtatarabangan asin udok sa boot na pagserbi sa mga namamanwaan.

An miting na ginibo sa opisina kan satuyang maboot, maaasahan, asin mahigos na Ama kan banwaan Alkalde Edward Albert “Bobit” P. Prades, sarong testamento sa importansya kan pakikipagtrabaho asin koordinasyon sa pag-ultanan kan DSWD 4Ps team asin kan gobyerno kan banwaan.

An pagtao nin overview kan programa kan DSWD 4Ps team asin an diskusyon sa implementasyon kaini sa banwaan nin Tinambac sarong maray na paagi tanganing mapakusog an implementasyon asin masiguro na an mga pakinabang kan programa makaabot sa pinakasadit asin harayo na lugar o barangay sa banwaan.

Sa paagi kan pagtatarabangan na ini, an DSWD 4Ps team asin an mga opisyal kan banwaan nin Tinambac, sa pangengenot ni Mayor Prades, tunay na magibo nin mas matibay asin progresibong gobyerno lalo na, na magkaigwa nin mas magayon na futuro para sa mga Aki kan Tinambac.

Mabuhay an banwaan nin Tinambac asin an gabos na nagtatrabaho para sa progreso kaini!