π‘ππ§ππ’π‘ππ ππ’π π ππ¦π¦ππ’π‘ π’π π¦ππ‘ππ’π₯ πππ§ππππ‘ π’π πππ¦π ππππ§ πππ¦π§π₯πππ¨π§ππ’π‘ π§π’ π’ππ§π’πππ‘ππ₯πππ‘ ππ‘π π‘π’π‘ππππ‘ππ₯πππ‘
π§ππ ππ 18, 2025 | π¬ππππΌπππΊπ πππ ππΏ π³πππΊππ»πΊπΌ
Ngunyan na aldaw, Hulyo 18, 2025, an Lokal na Gobyerno kan Tinambac, sa liderato kan Mahigos asin Matibay na Alkalde Edward Albert “Bobit” P. Prades, sa paagi kan Department of Social Welfare and Development (DSWD), National Commission of Senior Citizen to Octogenarian and Nonagenarian sa pakikipagtabangan kan National Commission on Senior Citizens (NCSC) sa pamamayo ni Project Development Officer II Jasmin Nobleza Navera, nagdistribwer nin Cash Gift Assistance sa mga senior citizens na nag-eedad 80, 85, asin 95 years old sa satuyang banwaan na nagresibe kantidad dyesmil (10,000.00) pesos.
Ini sarong programa nasyonal sa irarom kan Expanded Centenarians Act of 2024 o Republic Act No. 11982, na nagmamawot magtao nin asistensyang pinansyal sa mga kamagurangan. Sa pusog asin higot na koordinasyon kan Department of Social Welfare and Development Office kan Tinambac, sa liderato ni Ma’am Julia Dela Cruz bilang National Programs Focal Person, an programa nagin matrayumpo.
Yaon man sa pagtiripon sinda Municipal Councilor Kikay Delos Reyas asin Jona Abiog, former MSWDO Nilda Evalla, asin Julio Lagarde, OSCA Focal Person. An LGU Tinambac padagos an paghigos asin paghinguha na madara an mga programa sa banwaan urog sa mga padangat niyatong senior citizens.
Makakatabang an Lokal na Gobyerno sa pag-implementar kan programa para sa mga senior citizens na daeng ulang asin nakakaabot. Dakula an pagpapasalamat kan mga senior citizens sa gobyerno sa pagtao nin asistensyang pinansyal sa sainda. Ini sarong patunay kan pagmakulog asin pagpadangat kan gobyerno sa satuyang mga kamagurangan.
An programa na ini nagmamawot na maiangat an buhay kan mga senior citizens asin magtao nin suporta sa sainda.
Mabuhay an satuyang mga senior citizens!
Mabuhay an Tinambac!
