𝐈𝐍 𝐏𝐇𝐎𝐓𝐎𝐒 | 𝐃𝐒𝐖𝐃 𝐂𝐀𝐒𝐇 𝐅𝐎𝐑 𝐖𝐎𝐑𝐊 𝐏𝐀𝐘𝐎𝐔𝐓

Banwaan nin Tinambac | Agosto 13, 2025

Batch 4

Naisagibo sa banwaan nin Tinambac an ika-apat na payout para sa Cash for Work Program kan DSWD—sarong proyekto na may kamawotan na makatabang sa mga kahimanwang apektado sa pang-aroaldaw na pangangaipo.

Ini napangyari sa lindong kan liderato kan satuyang mahigos asin matinabang na Mayor Edward Albert “Bobit” P. Prades, kasabay kan suporta asin pakikipagtabangan kan mga matitibay na lider na sinda Congressman Arnie Fuentebella, Bokal Awel Llaguno, asin JJ Pilapil. Padagos man an pag-abot nin tabang hali sa DSWD Regional Field Office V, kaiba an MSWDO-Tinambac sa paagi ni Ma’am Maria Julia P. Dela Cruz asin Sir Aljun Abrazado special programs coordinator kan banwaan. Katabang sina Konsehal Itoy Velarde, Owe Velarde, Bobot Prades, Glenn Abiog, Kikay Delos Reyes, Gina Brioso, asin Jona Abiog ini nareyalisar.

Presenti sa nasambit na payout an mga empleyado kan MSWDO, MDRRMO, TPSO, Mayor’s Office, asin iba pang departamento na nagpakusog tanganing magin organisado, matuninong, asin masarig an aktibidad.

An Cash for Work bako sana basta ayuda—ini sarong oportunidad para sa mga benepisyaryo na makapagserbisyo sa komunidad. Sa programang ini, nahihiling an tunay na kahulugan kan serbisyong may puso—an gobyernong may malasakit, nagtatao nin paglaom, asin nagpoprotehir sa kapakanan kan lambang Tinambacqueño.

Padagos kita magkasararo, magtarabangan, asin magpangadyi para sa sarong banwaan na progresibo, matanos an liderato, asin may silag na paggobernar.

Dios Mabalos sa gabos!