𝐁𝐈𝐒𝐈𝐓𝐀 𝐒𝐀 𝐁𝐀𝐑𝐀𝐍𝐆𝐀𝐘 𝐎𝐑𝐈𝐄𝐍𝐓𝐀𝐓𝐈𝐎𝐍

Agosto 14, 2025 | ABC Hall, Municipal Compound

Ngunyan na aldaw, pinagsagibo an sarong pagtiripon sa pangengenot ni Mayor Edward Albert “Bobit” P. Prades na an kamawotan iyo an irani an gobyerno sa lambang Tinambacqueño. Sa paagi kan Bisita sa Barangay Program, mas madali na maaraman kan lokal na gobyerno an mga problema, pangangaipo, asin mga suhestyon kan lambang barangay.

Pinag-urulayan an pagparehistro kan mga parasira, paratanom, asin paraoma sa paagi kan RSBSA asin NCFPRS para sa gabos na 44 barangays. Natukar man an mga programang pangsalud na magtatao nin tulos na aksyon asin tabang sa mga nagsasakit. Kaiba man kaini an Mobile-Multi-Service Community Outreach Program na magdadara nin makalidad na serbisyo sa gabos na parte kan banwaan.

Presenti sa nasabing aktibidad an mga konsehal: Itoy Velarde, Owe Velarde, Bobot Prades, Glenn Abiog, Gina Brioso, Kikay Delos Reyes, asin Jona Abiog, na dakula an suporta sa programa kan LGU. Siring man an mga kapitanes, barangay officials, mga department heads, asin empleyado kan LGU na aktibong nakisumaro.

An LGU-Tinambac, sa pamamayo ni Mayor Bobit Prades, padagos na matao nin makalidad na serbisyo—dakul man o sadit, an Tinambacqueño pirming prioridad!