𝐌𝐒. 𝐍𝐈𝐘𝐎𝐆 2025

Barangay Mananao, Tinambac, Camarines Sur

Agosto 14, 2025

Sa pagrokyaw asin pag-omaw ki Señor San Roque, ngunian na aldaw an Lokal na Gobyerno kan Banwaan nin Tinambac sa pangengenot ni Mayor Edward Albert “Bobit” P. Prades naging parte sa makahulugan asin madahum na pagselebrar kan Niyog Festival sa Barangay Mananao — sarong lugar na an pagkokopra o pagniniyog an primerong pinagkukuanan nin hanapbuhay asin kultura.

Kaibahan si Konsehal Jona Abiog bilang representante kan LGU-Tinambac, naipaabot niyato an mensahe nin pagkakasararo asin pagkamoot. Yaon man si Ma’am Maria Gracia P. Yalung kan Tourism Office na nagtao nin suporta sa aktibidad. Dakulang pasasalamat sa bilog na barangay, asin sa SK Councils na pinamamayohan ni Kap. Weng Danabar asin SK Bryan Cadague, na an higos asin dedikasyon nagresulta sa sarong magayonon, maogma, asin makasaysayang okasyon.

Salamat sa gabos na nakisumaro — mga deboto, kahubenan, kamagurangan, asin kaakian. Lugod an saindong kafiestahan magdanay na maging matrayumpo, mapano nin pagkamoot asin pag-anduyog sa lambang saro. Padagos na masuporta an LGU, sa pamamayo ni Mayor Bobit Prades sa mga programang matao nin dalan na mas mabisto pa an banwaan sa paagi nin kultura asin turismo. An mga paratanom asin magniniyog mas lalong papakusugon tanganing an asenso asin progreso siguradong mamatean kan lambang Tinambacqueño.