𝐂𝐎𝐍𝐒𝐔𝐋𝐓𝐀𝐓𝐈𝐕𝐄 & 𝐏𝐋𝐀𝐍𝐍𝐈𝐍𝐆 𝐅𝐎𝐑 𝐀𝐆𝐑𝐈-𝐅𝐀𝐈𝐑

Agosto 15, 2025 |

ABC Hall, Municipal Compound

Ngunyan na aldaw, sa pangengenot kan Lokal na Gobyerno kan Banwaan nin Tinambac sa pusog na liderato ni Mayor Edward Albert “Bobit” P. Prades, katabang an Municipal Agriculture Office sa pamamayo ni OIC-MAO Jophet Barrameda, pinagsagibo an Consultative and Planning for Agri-Fair para sa satuyang mga paratanom asin paraoma. Kaibahan man sa pagtiripon an satuyang Tourism Officer Maria Gracia Yalung, na saro sa mga mangengenot na magtutulod sa mas marikas na turismo sa paagi kan pagpapalangkaw asin pagpromosyon kan mga produktong agrikultural gikan sa banwaan.

An mayor na kamawotan kan aktibidad iyo an mas lalo pang pakusugon, pahiwason, asin pauswagon an kapasidad kan satuyang mga paraoma. Kaibahan kaini an paghatod nin mas dakulang oportunidad na dae lang magbubukas nin merkado kundi magpapadangat man nin pagbisto sa talento asin kakayahan kan lambang Tinambacqueño sa larangan nin agrikultura.

Ini sarong malinaw na ehemplo nin tataramon na, “Ang banwaan na nagpapadangat sa paraoma, nag-aantabay man sa progresibong komunidad na abot an kauswagan.” Sa paagi kan agrikultura, turismo, asin kooperasyon, kita magkasararo sa pag-abot nin mas maogmang iribahan para sa satuyang banwaan.