INSTALLATION KAN BAG-ONG KURA-PAROKO — BARANGAY TAMBANG

August 17, 2025 | St. Joseph Parish, Tambang

Ngunyan na aldaw, dakulang kaogmahan an satuyang tinarabangan bilang komunidad sa ngaran kan pagkamoot nin mahal na Diyos. Orgulyo nin Lokal na Gobyerno, sa pangengenot ni Mayor Edward Albert “Bobit” P. Prades, na makisumaro sa mas makasaysayang okasyon—an Installation ni Rev. Fr. Roldan “Father Thords” Aceron Tordilla bilang ika-13 na kura-paroko kan Parokya ni San Jose sa Barangay Tambang, Tinambac, Camarines Sur.

An nasabing seremonya pinangenotan ni Most Rev. Rex Andrew C. Alarcon, D.D., Arsobispo kan Cáceres, na nagpapahiling nin pusog na pagtubod, pagkamoot, asin pagsarig sa satuyang Kagurangnan. Kaibahan kaini, naghahagad kita nin bendisyon na lugod iguiya kita sa mas mauswag, mas marhay, asin mas progresibong banwaan.

Kaibahan niyato sa nasabing pagtiripon si Department of Tourism Regional Director Herbie Aguas na saro man sa nagtao nin dakulang suporta sa mahalagang okasyon.

Congratulations, Father Thords! Welcome sa Banwaan nin Tinambac. Magkasararo lugod an satuyang mga paglaom asin pagkamoot sa saimong bagong misyon. Dios mabalos asin good luck sa saimong paglalakbay espirituwal!