𝐋𝐎𝐂𝐀𝐋 𝐆𝐎𝐕𝐄𝐑𝐍𝐌𝐄𝐍𝐓 𝐔𝐍𝐈𝐓 𝐔𝐏𝐃𝐀𝐓𝐄

League of Municipalities of the Philippines (LMP) – Camarines Sur Chapter

Agosto 18, 2025

Villa Caceres Hotel, Naga City

Naging makasaysayan an pagtiripon kan League of Municipalities of the Philippines (LMP) – Camarines Sur Chapter, kun sain nagtipon an mga alkalde kan buong probinsya tanganing mapakusog pa an kooperasyon asin pagtatarabangan para sa ikakauswag kan lambang banwaan.

Orgulyo kan Lokal na Gobyerno nin Tinambac na an satuyang mahigos asin matibay na Alkalde, Hon. Edward Albert “Bobit” P. Prades, napili bilang Board of Director para sa 4th District, Camarines Sur.

An LMP iyo an organisasyon nin mga alkalde sa bilog na Pilipinas na nagtatarabangan sa pagbuo nin mga polisiya, programa, asin inisyatibo na igwang direktang epektong mararamdoman kan mga tawo sa lokal na antas. Sa probinsya nin Camarines Sur, dakula an papel kaini bilang tulay kan pagkakasararo nin mga lider lokal para sa mas matibay na direksyon nin pag-uswag.

Bilang Board of Director, si Mayor Bobit Prades dai sana maninindugan para sa Tinambac kundi para man sa buong ika-4 na Distrito. Kaibahan nin mga kapwa alkalde, kaipuhan sindang magpursige sa pagtao nin mga konkretong solusyon sa mga pangangaipo kan mga banwaan—mga proyektong pangkauswagan, serbisyong kapaki-pakinabang, seguridad, agrikultura, edukasyon, asin iba pa.

Dara ni Mayor Bobit an boses nin pagbabago, pagkakasararo, asin pagkamoot sa namamanwaan. Sa saiyang liderato, ang prioridad iyo na magtao nin dekalidad na serbisyo lalo na sa mga Tinambacqueño.

An pagpili sa saiyang posisyon sa LMP Board of Directors iyo an ebidensya kan pagtubod asin respeto nin mga kapwa alkalde sa Camarines Sur lalong lalo na sa ika-apat na distrito. Ini man nagpapaluwas nin mas dakulang oportunidad para an Tinambac—dahil an saindang interes asin pangangaipo dai na mababayaan kundi mas matutukan sa mas konkreto na plataporma.

Padagos kitang magtarabangan, magkasararo, asin magin instrumento nin pag-uswag para sa satong banwaan, padangat na Tinambac.

𝑪𝒐𝒏𝒈𝒓𝒂𝒕𝒖𝒍𝒂𝒕𝒊𝒐𝒏𝒔 𝑴𝒂𝒚𝒐𝒓 𝑩𝒐𝒃𝒊𝒕! 𝑷𝒓𝒐𝒖𝒅 𝒂𝒏 𝑻𝒊𝒏𝒂𝒎𝒃𝒂𝒄 𝒔𝒂𝒊𝒎𝒐!