𝐈𝐍𝐒𝐏𝐄𝐂𝐓𝐈𝐎𝐍 𝐎𝐅 𝐖𝐀𝐓𝐄𝐑 𝐏𝐑𝐎𝐉𝐄𝐂𝐓

𝑩𝒓𝒈𝒚. 𝑻𝒂𝒎𝒃𝒂𝒏𝒈, 𝑻𝒊𝒏𝒂𝒎𝒃𝒂𝒄, 𝑪𝑺.

“Mayong makakapugol sa serbisyong pano nin Bagong Paglaom!”

Ngunyan na aldaw nin Sabado, ipinahiling kan Lokal na Gobyerno kan banwaan nin Tinambac, sa pangengenot kan satuyang mahigos na alkalde Hon. Edward Albert “Bobit” P. Prades, an padagos na malasakit asin dedikasyon para sa mga Tinambacqueños. Personal niyang pigbisita an proyektong patubig sa Barangay Tambang, kaibahan an Municipal Engineering Office.

An proyekto, na minamando asin pinopondohan kan LGU Tinambac, sarong malinaw na ehemplo kun pano ipinapahiling nin lokal na gobyerno an pagtutok sa mga importanteng serbisyo na kaipuhan kan kada pamilyang Tinambacqueño lalo kan mga taga-Tambang. Dai lang ini basta istruktura o imprastruktura, kundi saro ining simbolo nin pagtugot sa mga primerong pangangaipo—partikular na sa malinaw asin marhay na suplay nin tubig na importante para sa pangaldaw-aldaw na buhay, salud, asin kabuhayan.

An Lokal na Gobyerno sa pangengenot ni Mayor Prades dai lang nagpaplano kundi pirming may aktuwal na aksyon, tanganing maipaabot sa kada barangay an serbisyo-publiko na may kalidad. An presensya mismo ni Mayor Prades sa proyekto sarong pruweba na pirming kaibahan an mga tawo sa komunidad.

Padagos na namomoot an LGU Tinambac na mapagtibay an mga programa na makikinabang an lambang pamilya—hali sa edukasyon, salud, agrikultura, hanggang sa imprastruktura. An proyekto sa Barangay Tambang dai lang limitado sa tubig, kundi parte ini kan mas halangkaw na pangarap: an mapakarhay asin mauswag na Tinambac para sa gabos.

An Bagong Paglaom, sa paagi kan lokal na gobyerno, yaon pirmi—nagtatrabaho, nag-aako asin nagseserbisyo para sa satong banwaan.