𝐏𝐀𝐆𝐒𝐔𝐍𝐆𝐊𝐎 𝐍𝐈 𝐈𝐍𝐀 𝐒𝐀 𝐋𝐆𝐔-𝐓𝐈𝐍𝐀𝐌𝐁𝐀𝐂

Sa magaya-gayang aldaw, tinawan nin bendisyon asin inspirasyon an LGU-Tinambac sa paagi kan pagsungko ni Ina-Nuestra Señora de Peñafrancia, an mahal na patrona kan Kabikolan.

Sa pag-abot ni Ina, nagkaigwa nin marhay na pagtiripon na pinanginotan kan mga opisyal kan lokal na gobyerno, kaiba an mga empleyado asin komunidad. An pagsungko nagtao nin dakulang oportunidad tanganing magkaigwa nin paglaom, pagkasararo asin marikas na espiritwal na kusog para sa mga Tinambacqueño.

An LGU-Tinambac, sa liderato ni Mayor Edward Albert “Bobit” Prades, nagpahayag nin pasasalamat sa grasya asin presensya ni Ina, na padagos na nagtatao nin kusog, pagkamot, paggabay, asin bendisyon para sa mas progresibo asin maogmang banwaan.

Viva la Virgen! Viva El Divino Rostro!

𝑷𝒂𝒅𝒂𝒈𝒐𝒔 𝒕𝒂 𝒑𝒐𝒏𝒈 𝒊𝒑𝒂𝒎𝒊𝒃𝒊 𝒂𝒏 𝒔𝒂𝒕𝒖𝒚𝒂𝒏𝒈 𝒃𝒂𝒏𝒘𝒂𝒂𝒏

𝑽𝒊𝒗𝒂 𝑻𝒊𝒏𝒂𝒎𝒃𝒂𝒄!