𝐋𝐆𝐔 𝐔𝐏𝐃𝐀𝐓𝐄| NEO PLUS PROGRAM

The Oriental Hotel, Legazpi City, Albay

Agosto 27–29, 2025

Nagpapadagos ngunyan na aldaw an Newly-Elected Officials Performing Leadership for Uplifting Service (NEO PLUS) Program na pinanginotan kan DILG asin Local Government Academy (LGA). Parte digdi an LGU-Tinambac bilang pangapudan kan dedikasyon sa pagpapakusog nin kaaraman, kapasidad, asin responsableng liderato para sa banwaan.

Presenté asin aktibong nakisumaro sinda:

Mayor Edward Albert “Bobit” P. Prades, Konsehal Itoy Velarde, Konsehal Owe Velarde, Konsehal Bobot Prades, Konsehal Glenn Abiog, Konsehal Kikay Delos Reyes, Konsehal Gina Brioso, Konsehal Jona Abiog

Pinagtukar sa okasyon an “Transformative Leadership in Action: Developing a Plan for Good Governance.” Sarong makabuluhang pag-urulay na nagtutokdo kung pano magin mas epektibo, makatao, asin responsable sa pagserbi. Ini an nagtao nin inspirasyon sa mga lider lokal na ipadagos an lideratong may integridad, puso, asin tunay na pagkamoot para sa banwaan.

Padagos an LGU-Tinambac sa liderato ni Mayor Prades na nagkakasararo na magkaigwa nin lideratong may silag na paggobernar asin matanos na pagmanihar na katuwang kan lambang Tinambacqueños—para sa mas marikas, mas maogma, asin mas progresibong banwaan!