πππ‘ππ π‘ππ‘ π£πππππ’π
βπ΄ ππππ πππππ‘πππ π΄ππ‘ππ£ππ‘π¦.”
Sa pangengenot kan Lokal na Gobyerno kan Banwaan nin Tinambac sa liderato ni Hon. Mayor Edward Albert βBobitβ P. Prades, asin sa pakikipagtabangan kan LYDO, MENRO, CENRO, asin BLGU-Cawaynan, gigibuhon an BANHI NIN PAGLAOM: A Tree Planting Activity sa Mt. Isarog Protected Area, Brgy. Cawaynan, Tinambac, Camarines Sur sa maabot na Setyembre 7, alas 6:00 nin aga.
An aktibidad na ini may kamawotan na mapreserba an gayon kan satong kapalibotan sa paagi kan pagtanom nin mga kahoy na minasimbolo nin pagkakasararo asin paglaom para sa banwaan. Sa paagi kan siring na aktibidad, laom kaini na mas pang mapapusog an relasyon kan mga hubenes, opisyales, asin komunidad sa kolektibong aksyon pasiring sa Tinambac na malinig, magayon, asin may maray na futuro para sa gabos na #AkiKanTinambac.
Papartisiparan ini kan mga lideres kan banwaan, hubenes, SK Chairpersons & Officials, CSOs, mga empleyados kan satong gobyerno lokal, lideres kan komunidad, Opisyales kan Barangay, asin Environmental Volunteers.
An mga programa kan satong gobyerno lokal dai sana nakatutok sa pag-uswag, kundi pirming kaibahan kaini an pagpangataman sa satong kapalibutan. Sa paagi kan pagtanom nin mga kahoy, dai sana kita nagpapatalubo nin mga pananom kundi nagtatanom man kita nin paglaom para sa masunod na henerasyon.
Β