Katrangkilohan asin Kaligtasan para sa Satuyang Banwaan

Kasaro kan Philippine Army, kan Philippine National Police, asin kan Philippine Coast Guard an Lokal na Gobyerno sa pagmantiner kan katrangkilohan asin kaligtasan sa Banwaan kan Tinambac.

Kaya kan nakaaging aldaw, mismong sa atubangan ni Mayor Edward Albert “Bobit” P. Prades nakisumaro giraray sa gobyerno an sarong dating rebelde. Ini minapahiling nin pagtubod asin pagsarig sa matanos asin marhay na liderato kan satuyang lokal na gobyerno.

Padagos tang ibinubusol na an lambang namamanwaan nagkakasararo, nagtatarabangan, asin pirming aktibo sa pagsyerto na an satuyang banwaan ligtas dangan progresibo.