𝗝𝗨𝗦𝗧 π—œπ—‘ | πˆππ€π”π†π”π‘π€π“πˆπŽπ 𝐀𝐍𝐃 π“π”π‘ππŽπ•π„π‘ 𝐨𝐟 πˆππ’ππˆπ‘π„ ππ‘πŽπ‰π„π‚π“ (π΄π‘‘π‘Žπ‘π‘‘π‘Žπ‘‘π‘–π‘œπ‘› π‘Žπ‘›π‘‘ π‘€π‘–π‘‘π‘–π‘”π‘Žπ‘‘π‘–π‘œπ‘› πΌπ‘›π‘–π‘‘π‘–π‘Žπ‘‘π‘–π‘£π‘’ 𝑖𝑛 π΄π‘”π‘Ÿπ‘–π‘π‘’π‘™π‘‘π‘’π‘Ÿπ‘’)

Sa panginginot kan Department of Agriculture Region V asin sa pakikipagtabangan kan LGU-Tinambac sa liderato ni Mayor Edward Albert β€œBobit” P. Prades, matrayumpo na naisagibo an Inauguration and Turnover of INSPIRE Project (Adaptation and Mitigation Initiative in Agriculture) sa Zone 3, Brgy. Olag PequeΓ±o, Tinambac.

An proyekto, na parte kan programa kan Department of Agriculture na may kamawotan na pakusugon an kapasidad kan mga paraoma sa pag-adaptar asin pag-mitigate kan epekto nin pagbabago nin klima, dakulang tabang para sa mga komunidad na an kabuhayan nakasentro sa pag-aagrikultura. Sa paagi kaini, mapapalawig an produksyon nin mga lokal na produkto, mapapangatamanan an natural na kapalibutan, asin masisiguro an padagos na pag-uswag kan sektor nin agrikultura sa banwaan.

Sa nasabing aktibidad, yaon si Punong Barangay Salve Sarmiento asin barangay councils na nagpaabot nin taus-pusong suporta sa proyekto bilang pagtanaw sa mga benepisyong maitatao kaini sa mga residentes kan Olag PequeΓ±o. Ipinahayag man ni Mayor Prades an pasasalamat sa Department of Agriculture sa padagos na pagtugon sa pangangaipuhan kan mga nasa sektor nin agrikultura asin sa pagtitiwala nin mga proyektong dakula an kontribusyon sa lokal na ekonomiya kan banwaan.

Padagos an LGU-Tinambac sa pagtao nin mga programa asin inisyatibong nagtutulod nin sustainable agriculture, pagpapakusog nin kabuhayan, asin pagkamit nin mas progresibong banwaan.