𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍𝐒 𝐒𝐎𝐂𝐈𝐀𝐋 𝐏𝐄𝐍𝐒𝐈𝐎𝐍 𝐏𝐀𝐘𝐎𝐔𝐓

October 8, 2025

Sa padagos na pangapudan kan administrasyon ni Mayor Edward Albert “Bobit” P. Prades na magtao nin malasakit asin prioridad sa mga padangat na kamagurangan asin senior citizens, naisagibo ngunyan na aldaw an Seniors Pension Payout – Batch 1 (Morning Session) sa banwaan nin Tinambac.

An aktibidad pinanginotan kan Municipal Social Welfare and Development Office (MSWDO) katuwang an Department of Social Welfare and Development (DSWD), Municipal Treasury Office, asin sinabayan nin presensya asin suporta kan mga Sangguniang Bayan Members na nagpapadagos sa pagproteher asin pag-ataman sa kapakanan kan mga senior citizens, lalo sa mga minasunod na barangay: Binalay – 95, Filarca – 54, La Purisima – 21, Salpob – 130, San Isidro – 29, San Pascual – 58, Sta. Cruz – 170, Sogod – 169

Total Beneficiaries: 726

Kaogmahan para sa mga magurang niyato, mga lolo asin lola an padagos na suporta asin serbisyong ipinapaabot kan LGU-Tinambac sa saindang kapakanan — bilang pagbisto sa dakulang papel ninda sa komunidad asin banwaan nin Tinambac.

An ibang mga barangay igwa man nin sadiring schedule kan saindang social pension payout.

𝑴𝒂𝒃𝒖𝒉𝒂𝒚 𝒂𝒏 𝒎𝒈𝒂 𝑺𝒆𝒏𝒊𝒐𝒓 𝑪𝒊𝒕𝒊𝒛𝒆𝒏𝒔 𝒔𝒂 𝒃𝒂𝒏𝒘𝒂𝒂𝒏!