𝐉𝐔𝐒𝐓 𝐈𝐍| 𝐁𝐀𝐆𝐎𝐍𝐆 𝐀𝐌𝐁𝐔𝐋𝐀𝐍𝐒𝐘𝐀 𝐏𝐀𝐑𝐀 𝐒𝐀 𝐁𝐀𝐍𝐖𝐀𝐀𝐍 𝐍𝐈𝐍 𝐓𝐈𝐍𝐀𝐌𝐁𝐀𝐂

Ngunyan na aldaw nin Miyerkules, Oktubre 8, 2025, sa kahagadan kan satuyang matibay asin aktibong alkalde kan banwaan, Mayor Edward Albert” Bobit” P. Prades, sarong yunit nin ambulansya an pormal na ipinagturnover sa satuyang Bureau of Fire Protection- Tinambac Fire Station na pinamamayohan ni SFO1 Aureo Pomposo Jr. Parte kan dakulang espwersong ini an satuyang matinabang na ama kan kwatro distrito, Congressman Arnulf Bryan “Arnie” B.Fuentebella. Kan nakaaging mga bulan, naenot naman na natawan nin bagong ambulansya an Tinambac Municipal Hospital asin ini gabos sa lindong kan administrasyon ni Mayor Bobit Prades.

An pagtaong ambulansya sa nasambitan na ahensya may kamawotan na mas mapalawig pa an serbisyo medikal, asin mas magin marikas pa an pagresponde sa gabos na emerhensya sa banwaan, katuwang kan satuyang Municipal Disaster Risk Reduction and Management Office.

Nagtutubod si Mayor Bobit Prades na an padagos na kooperasyon kan lokal na gobyerno asin iba pang ahensyas kan gobyerno nasyonal dakulang katabangan para sa kapakanan kan lambang Tinambacqueño, kun kaya yaon an paglapigot kan bagong administrasyon ta nganing an gabos na mehoras, programa nasyonal, maihuros sa banwaan para sa kapakinabangan kan mga kahimanwa nyato urog na kan kasaraditan.

Asahan po nindo mga kahimanwa, na an lokal na gobyerno kan Tinambac, yaon pirmi nangangataman para sa mas progresibong banwaan!

𝑺𝒂𝒍𝒂𝒎𝒂𝒕 𝒑𝒐 𝒔𝒂 𝒕𝒊𝒘𝒂𝒍𝒂 𝒂𝒔𝒊𝒏 𝒑𝒂𝒅𝒂𝒈𝒐𝒔 𝒏𝒂 𝒔𝒖𝒑𝒐𝒓𝒕𝒂 𝒃𝒂𝒏w𝒂𝒂𝒏 𝒏𝒊𝒏 𝑻𝒊𝒏𝒂𝒎𝒃𝒂𝒄!