𝗗𝗦𝗪𝗗: 𝗥𝗘𝗗𝗘𝗠𝗣𝗧𝗜𝗢𝗡 𝗢𝗙 𝗪𝗔𝗟𝗔𝗡𝗚 𝗚𝗨𝗧𝗢𝗠 𝗣𝗥𝗢𝗚𝗥𝗔𝗠

Oktubre 9, 2025

Municipal Sports Complex, Tinambac, Camarines Sur

Sa padagos na pagtulod kan mga programa para sa kapakanan kan lambang Tinambaqueño, matrayumpong naisagibo an implementasyon kan “DSWD: Redemption of Walang Gutom Program” sa banwaan nin Tinambac. An aktibidad pinanginotan kan Lokal na Gobyerno sa pamamayò ni Mayor Edward Albert “Bobit” P. Prades, katuwang an Department of Social Welfare and Development (DSWD) Region V asin an Municipal Social Welfare and Development Office (MSWDO) sa pangingenot ni Ma’am Maria Julia L. Dela Cruz, Focal Person for National Programs.

An nasabing programa may obheto na magtao nin agarang tabang asin suporta sa mga pamilyang apektado kan kakulangan sa pagkakan, sa paagi nin food assistance, nutritional support, asin livelihood components na makakatabang mapalawig an oportunidad para sa maray na kabuhayan na nakasentro sa pagkamit nin inklusibo asin makatawong pag-asenso.

Nagpaabot nin suporta asin inspirasyon sa mga aktibidad sina Municipal Councilors Hon. Bobot Prades asin Hon. Itoy Velarde, na nagtao nin mensahe nin pasasalamat sa DSWD asin sa administrasyon ni Mayor Prades para sa padagos na pagtugot nin mga programang may pusong serbisyo.

An LGU-Tinambac sa liderato ni Mayor Prades, padagos na maimplementar nin mga programa na nasa tamang oras asin nakatuon sa social welfare, poverty reduction, asin food security. Ini sarong dakulaon na inspirasyon na maipaabot an serbisyo sa pinaka-nangangaipuhan.

Kaogmahan kan satuyang banwaan na maging katuwang an nasyonal na gobyerno sa mga proyekto asin inisyatibong nagmamawot na maiangat an kalidad kan buhay kan lambang pamilyang Tinambacqueño. Padagos an LGU-Tinambac sa pagserbe na may puso, may silag na paggobernar, asin may tamang direksyon para sa mas progresibong Tinambac.

Salamat asin Dios Mabalos po sa DSWD, sa mga benepisyaryo, asin sa gabos na nagtarabang para magin successful an aktibidad!