𝗘𝗟𝗘𝗖𝗧𝗜𝗢𝗡 𝗢𝗙 𝗧𝗛𝗘 𝗠𝗨𝗡𝗜𝗖𝗜𝗣𝗔𝗟 𝗖𝗛𝗜𝗟𝗗 𝗥𝗘𝗣𝗥𝗘𝗦𝗘𝗡𝗧𝗔𝗧𝗜𝗩𝗘 𝗢𝗙 𝗧𝗜𝗡𝗔𝗠𝗕𝗔𝗖

Oktubre 29, 2025

ABC Hall, Municipal Compound

Ngunyan na aldaw, matrayumpong pigsagibo an pag eliher kan Municipal Child Representative sa banwaan nin Tinambac, sarong makasaysayan na aktibidad na nagtatao nin boses asin representasyon sa kaakian bilang aktibong myembro kan komunidad asin banwaan. An nasambitan na aktibidad pinanginotan ni Ma’am Maria Julia P. Dela Cruz, Focal Person kan Municipal Social Welfare and Development Office (MSWDO), sa tabang man ni Sir NJ Boy S. Sagales, Local Youth Development Officer (LYDO), asin ni Ma’am Helen Golina, Municipal Persons with Disability Focal Person.

Presente man sa okasyon an mga Kapitanes kan barangay asin iba pang opisyales, Barangay Child Focal Persons, siring man an iba pang mga personahes na aktibong nakisumaro asin nagtao nin suporta para sa proteksyon asin diretsos kan kaakian.

An eleksyon nagin oportunidad para sa mga kaakian hale sa 44 na barangay kan Tinambac na maipahayag an saindang mga boses asin diretsos, talento, asin an manlaen laen na opinyon manungod sa mga bagay asin isyung napapanahon na nakakaapekto sa saindang presenteng kamugtakan sa joven na edad.

An pag eliher kan Municipal Child Representative sarong dakulaon na lakdang para sa partisipasyon kan kaakian sa mga lokal na desisyon, inisyatibo asin programa kan lokal na gobyerno siring man an mas pang pagpapapusog kan Children’ s Rights Convention dangan kan Child-Friendly Governance Framework.

Congratulations sa mga bagong elehidong opisyales asin representantes kan Municipal Child Development Council (MCDC)!

Municipal Child Development Representative:

Ms. Jiecel Abiada

Barangay Mananao

Vice Municipal Child Development Representative:

Ms. Princess Love Leron

Barangay Buenavista

Secretary, Municipal Child Development Representative:

Mr. Paul Ianne Baleciado

Barangay Sogod

An saindang representasyon sa Municipal Child Development Council (MCDC) dai sana minasimbolo nin tiwala, kundi sarong responsibilidad bilang boses kan kaakian sa banwaan. Sa saindang pagkaka eliher, laomon nyato an saindang dakula asin aktibong partisipasyon sa mga inisyatibo asin programa kan satong gobyerno lokal.

Sa administrasyon ni Mayor Edward Albert “Bobit” P. Prades, asahan po nindo an padagos na pagsuporta asin pagkrear nin mga child- centered programs na may kamawotan na matawan boses, proteksyon, asin oportunidad an lambang kaakian sa banwaan.

Sa #BanwaanProgresibo, nasa prayoridad pirmi an mga kaakian asin an saindang marhay na futuro!