Pagpundo sana kan makusog na duros asin uran na dara-dara ni Bagyong Uwan, pinoonan kan pinagsarong pwersa kan Municipal Disaster Risk Reduction and Management Office, Philippine National Police, Bureau of Fire Protection, Municipal General Services Office, Philippine Army, asin Tinambac Public Safety Office an clearing kan pangenot na mga tinampo sa Banwaan kan Tinambac.

An marching order ni Mayor Edward Albert “Bobit” P. Prades: Mai-konektar tulos an Tinambac asin dai ma-isolate o mapasuway sa pagtaraed na banwaan urog na sa Syudad kan Naga, tanganing tulos ma-aksyonan an gabos na emerhensya asin makalaog man an gabos na ayuda.

*Dai kayang magsagasa kan chainsaw sa uran kaya patok na an ginamit. Mano-mano. Basta an katuyuhan malinig tulos an pangenot na mga agihan.