Pagbisita ni Congressman Arnie Fuentebella kaibahan si Sir Bong Rodriguez

Nagbisita asin nagkumusta sa banwaan nin Tinambac si Congressman Arnie Fuentebella, kaibahan si Sir Bong Rodriguez, tanganing riparuhon asin hilingon an kamugtakan kan satuyang banwaan. Sinda mainit na sinabat ni Mayor Edward Albert “Bobit” Prades, tanganing ipahiling an padagos na Bagong Paglaom para sa Tinambac.

Kaibahan man sa nasambit na pagtiripon an mga miyembro kan Sangguniang Bayan asin mga department heads, na nagtao nin kongkretong datos manungod sa epekto kan nakaaging bagyo. An pagbisita nagsentro sa solidong pag-urulay manungod sa mga programa asin tabang-ayuda para sa mga kahimanwa na labi naapektaran asin nadistroso ni Bagyong Uwan.

An saindang presensya nagtao nin inspirasyon asin paglaom, bilang padagos na patunay nin pagtatarabangan, pag-anduyog, asin pagkakasararo lalo na sa panahon nin kadipisilan asin kalamidad.

Dakulang pasasalamat po, Cong. Arnie, sa padagos na pagpadangat asin suporta sa banwaan nin Tinambac!