ππ€π“πˆπŽππ€π‹ π‚πŽπŒπŒπˆπ’π’πˆπŽπ πŽπ… π’π„ππˆπŽπ‘ π‚πˆπ“πˆπ™π„ππ’ 𝐂𝐀𝐒𝐇 π†πˆπ…π“ πƒπˆπ’π“π‘πˆππ”π“πˆπŽπ π…πŽπ‘ 𝐄𝐗𝐏𝐀𝐍𝐃𝐄𝐃 π‚π„ππ“π„ππ€π‘πˆπ€ππ’ 𝐀𝐂𝐓 ππ„ππ„π…πˆπ‚πˆπ€π‘πˆπ„π’

Bilang pagsuporta kan Lokal na Gobyerno kan Banwaan nin Tinambac sa Akta Republika 11982 o an Expanded Centenarians Act of 2024, ngunyan na aldaw nin Huwebes, Nobyembre 20, 2025, katuwang an satong gobyerno lokal sa pangingenot ni Mayor Edward Albert “Bobit” P. Prades, asin sa paagi kan Office of Senior Citizens Affairs, siring man kan Municipal Social Welfare and Development Office, nagin matrayumpo an distribusyon kan Cash Incentives para sa satuyang mga padangat na senior citizens sa banwaan na nakaabot sa milyaheng edad nin 80, 85, 90 asin 95 na taon.

An pagtaong insentibo kantidad dyesmil de pesos( P10,000.00)sa mga kwalipikadong senior citizens sarong programa kan National Commission of Senior Citizens susog sa Akta Republika 11982. Dai sana ini nakasentro sa pagtao nin insentibo sa mga nag- eedad 80, 85, 90, 95 asin 100 na taon, saro man ining paagi para makatabang na mas urog pang maimprobar an saindang pagbuhay, dangan maipaheling an pagpadangat, asin pag apresyar kan saindang padagos na serbisyo, dedikasyon asin dakulaon na kontribusyon sa komunidad.

Mabalos sa higot na koordinasyon kan satuyang Municipal Social Welfare and Development Office sa paagi kan satuyang Focal Person for National Programs Ma’am Maria Julia L. Dela Cruz, RSW, sa matrayumpong okasyon na ini, siring man sa presensya kan satuyang saro sa mahihigos na konsehal kan banwaan, Konsehal Ruel T. Velarde, dating konsehal asin Human Resource Management Officer- Designate, Ma’am Veridiana P. Cortan, Office of Senior Citizens Affairs President Julio Lagarde, asin man ni former Municipal Social Welfare and Development Officer Ma’am Nilda P. Evalla.

Padagos an paghigos asin paghinguha kan Lokal na Gobyerno kan Banwaan nin Tinambac na makadara asin maihuros sa banwaan an mga programa nasyonal asin lokal urog na para sa mga padangat nyatong senior citizens.

Sa administrasyon ni Mayor Bobit Prades, laoman po nindo an padagos na pag-implementar kan mga programa para sa mga kamagurangan nyatong senior citizens, bilang pag apresyar sa dakulaon nindang kontribusyon bako sana sa pagpapapusog kan lambang pamilyang TinambacqueΓ±o, siring man sa saindang tibay, dedikasyon asin serbisyo sa komunidad pasiring sa banwaan progresibo!

Mabuhay an mga Senior Citizens!

Mabuhay an Tinambac!