𝐂𝐅𝐈𝐃𝐏 𝐌𝐎𝐁𝐈𝐋𝐄 𝐇𝐄𝐀𝐋𝐓𝐇 𝐌𝐈𝐒𝐒𝐈𝐎𝐍 𝐈𝐍 𝐓𝐈𝐍𝐀𝐌𝐁𝐀𝐂

“Serbisyong Salud, Para sa Parauma—Para sa Progresibong Tinambac!”

Kan suudma, Disyembre 4, 2025, an PCA Region V sa pakikipagtabangan sa PhilHealth Local Health Insurance Office, kaiba an LGU Tinambac sa liderato ni Mayor Edward Albert “Bobit” P. Prades, nagkundusir nin CFIDP Mobile Health Services para sa satuyang mga padangat na mga parauma nin niyog!

Dara kaining aktibidad an mga LIBRENG SERBISYO na Medikal, Dental, X-ray, asin Laboratoryo—mga serbisyong dakula nanggad an naitabang sa satuyang mga tugang na parauma.

Ini sarong klarong oportunidad sa pagpapahiling na an gabos na sektor sa banwaan may bukas na pinto sa lokal na gobyerno. Para ini sa mga Coconut Farmers hale sa mga GIDA barangay: San Vicente, Magsaysay, San Antonio, Caloco, Pantat, San Ramon, Sagrada, Agay Ayan, Pagasa, Lupi, Tierra Nevada, asin Cawaynan.

Yaon man sa aktibidad si Konsehal Owe Velarde- bilang iyo an Komitiba sa Agrikultura, Konsehal Bobot Prades- na Komitiba sa Salud, asin iba pang miyembros kan Konseho na padagos nagkakasararo asin nagtatarabangan tanganing maipaabot an kalidad na serbisyo asin masasarigan na inisyatibo para sa gabos na Tinambacqueño.

Si Mayor Bobit Prades asin an bilog na LGU-Tinambac dae nag-uuntok sa pakikipagtabangan sa gabos na ahensya kan gobyerno, tanganing an gabos na serbisyo makaabot sa tawo asin makatao nin kagianan sa lambang Tinambacqueño.

Padagos niyatong suportahan an satong mga parauma—an tunay na pwersa kan satong komunidad asin dakulang tabang sa progresibong banwaan