Ateneo de Naga University – Center for Community Development

Sa ngaran po kan Lokal na Gobyerno kan Banwaan nin Tinambac sa pamamayo ni Mayor Edward Albert ” Bobit P. Prades, an samuya pong pagpaabot nin pasasalamat asin apresasyon sa inisyatibo kan Ateneo de Naga University – Center for Community Development sa pamamayo ni CCD Director Elmer Sto. Domingo sa pagpili sa banwaan nin Tinambac, partikular sa mga barangay kan Bagacay, Bolaobalite, Buyo, Cawaynan, Canayonan, asin New Caaluan na magin resipyentes kan “AGAP ATENISTA| Solar Lamp Distribution” para sa mga piling komunidad kan banwaan na nawaran nin supply nin kuryente sa kasagsagan kan Bagyong Uwan.

An inisyatibong ini parte kan saindang TABANG BICOL Disaster Relief Response for Victims of #UwanPH.

Dakulang pasasalamat man po sa saindang mga nagin sponsors, Ms. Vivian Yuchengco para sa mga itinaong solar lamps, sa Victory Liner, Inc. sa pagtransportar kan mga solar lamps pasiring sa ciudad nin Naga nin libre, ki Rev. Fr. Alfeo E. Catura kan St. Peter the Apostle Parish, sa pag syerto na maidara an mga solar lamps sa mga resipyenteng barangay kan Tinambac, siring man ki Fr. Aristotle C. Dy, SJ, University President kan Ateneo de Naga University, sa saiyang liderato asin suporta para magin matrayumpo an tabang-ayuda sa satuyang banwaan.

Sa liwat, Dios mabalos po sa saindong inisyatibo asin tabang para sa samuyang mga kahimanwa. Dios an magbalos sa saindong karahayan!

𝐀𝐃 𝐌𝐀𝐉𝐎𝐑𝐄𝐌 𝐃𝐄𝐈 𝐆𝐋𝐎𝐑𝐈𝐀𝐌!