𝐋𝐆𝐔 𝐔𝐏𝐃𝐀𝐓𝐄𝐒| 𝐀𝐒𝐌𝐈 𝐂𝐀𝐌𝐀𝐑𝐈𝐍𝐄𝐒 𝐒𝐔𝐑 𝐂𝐇𝐀𝐏𝐓𝐄𝐑- 𝐓𝐈𝐍𝐀𝐌𝐁𝐀𝐂 𝐀𝐑𝐄𝐀

Agosto 15, 2025

Ngunyan na aldaw, dakula an kaogmahan kan satuyang Lokal na Gobyerno sa pagbisita asin pakikipag-ulay sa mga Alumni kan Sisters of Mary School, Inc. igdi mismo sa banwaan nin Tinambac. Mainit sindang inako asin tinawan nin maray na pag-omaw kan satuyang mahigos na Alkalde, Mayor Edward Albert “Bobit” P. Prades.

Sa nasambit na pagtiripon, napag-urulayan an mga estratehiya asin lakdang na gigibuhon tanganing mas dakul pang mga aki asin kahubenan an matabangan sa saindang pag-eskwela, lalo na itong tikapo asin nakakamate nin kapagtiosan sa buhay. Buo an suporta kan LGU-Tinambac sa mga proyektong nagpapakusog sa sektor nin edukasyon, bilang tulay para sa mas maray na komunidad asin mas maogmang banwaan.

Kasabay kaini, nanindugan an LGU na papakusugon pa an mga oportunidad para sa edukasyon, tanganing sa masunod na henerasyon, mas dakul pa an magin asensado asin may paglaom na Tinambacqueño—banwaan na bukas sa dalan nin progreso asin pag-uswag.

𝐒𝐚𝐥𝐚𝐦𝐚𝐭 𝐚𝐬𝐢𝐧 𝐃𝐢𝐨𝐬 𝐌𝐚𝐛𝐚𝐥𝐨𝐬 𝐩𝐨!