𝑩𝒂𝒍𝒂𝒐𝒈 𝑷𝒂𝒓𝒂𝒔𝒊𝒓𝒂: Tabang para sa mga Parasisira kan Tinambac

Agosto 12, 2025

Tinambac People’s Complex

An habagat nagdara nin kusog na duros asin bahud na nagpadapla sa trabaho kan mga parasira. Dae sinda nakapaghanapbuhay sa dagat, dae nagkapaglawod nin huli kaya naapektaran kaini an pang-aroaldaw na pagkakan.

Para tabangan sinda, pinangenotan ni Mayor Edward Albert “Bobit” P. Prades kaibahan an DSWD Tinambac sa pamamayo ni Ma’am Maria Julia P. Dela Cruz an Balaog Parasira DSWD Food Assistance Program. Ini nagpapahiling na an lokal na gobyerno asin DSWD pirming andam magtabang sa oras nin pangangaipo.

Yaon man si Konsehal Itoy Velarde, Chairman kan Committee on Fisheries, na nagtao nin mensahe para sa mga benepisyaryo.

Padagos an administrasyon ni Mayor Prades sa pagtao nin serbisyong masasarigan, dekalidad asin may pagkamoot para sa lambang pamilyang Tinambacqueños.

“Kun kita padagos maging bugkos asin magtarabangan, pirming may Bagong Paglaom asin madali niyatong maaabot an sarong Banwaan na Progresibo!”