Barangay Daligan Relief Operation

Pwerang lugar an Barangay Daligan alagad bako ining pwera sa daghan kan mga nanunungdan. Kaya ngani dinumanan giraray ni Mayor Edward Albert “Bobit” P. Prades an Daligan dawa enot nya na ining hinatodan nin ayuda bago pa magrapado si Super Typhoon Uwan. Sa pagbwelta ni Mayor Bobit kaibahan nya an mga Konsehales kan Sangguniang Bayan asin dara-dara an mga family food boxes gikan sa Department of Social Welfare and Development para sa gabos na mga kaharongan sa barangay. Mabalos sa kooperasyon Punong Barangay Edith Tumampil asin kan bilog na Konseho kan Daligan!