𝗕𝗹𝗲𝘀𝘀𝗶𝗻𝗴 𝗖𝗲𝗿𝗲𝗺𝗼𝗻𝘆 𝗼𝗳 𝗡𝗲𝘄 𝗔𝗺𝗯𝘂𝗹𝗮𝗻𝗰𝗲𝘀 𝗼𝗳 𝘁𝗵𝗲 𝗕𝘂𝗿𝗲𝗮𝘂 𝗼𝗳 𝗙𝗶𝗿𝗲 𝗣𝗿𝗼𝘁𝗲𝗰𝘁𝗶𝗼𝗻

Sta. Maria, Lagonoy | October 26, 2025

Ngunyan na aldaw, sarong dakulang oportunidad an nag-abot sa banwaan nin Tinambac! Sa panginginot ni Mayor Bobit Prades, siya mismo an nag-atendir kan Blessing Ceremony of New Ambulances of the Bureau of Fire Protection sa Sta. Maria, Lagonoy, asin personal na nag-resibe kan bagong ambulansya para sa satuyang banwaan.

Kaibahan man na nag-resibe an BFP Tinambac sa liderato ni SFO1 Aureo SJ. Pomposo Jr., bilang pagpadagos sa saindang dedikasyon sa serbisyo publiko. Kaibahan man an mga banwaan kan Lagonoy, San José, asin Caramoan na nakaresibe man nin bagong ambulansya.

An LGU-Tinambac nagpapaabot nin taus-pusong pasasalamat sa Bureau of Fire Protection asin sa satuyang padaba na Congressman Arnie B. Fuentebella sa inisyatibong ini — dakulang tabang para sa mga kahimanwa lalo na sa oras nin emerhensya. Nagpapasalamat man kita kina Bokal Awel Llaguno asin Bokal JJ Pilapil sa padagos na pagtabang asin sa solidong suporta para sa Tinambac. Yaon man an presensya ni Sir Bong Rodriguez na padagos an suporta sa mga programa kan lokal na gobyerno.

Kaiba man ni Mayor Bobit an saiyang esposa na si Ma’am Belle Prades, na perming nakasuporta sa mga magagayon na programa asin inisyatibo para sa pag-uswag kan banwaan.