𝐋𝐆𝐔-𝐓𝐈𝐍𝐀𝐌𝐁𝐀𝐂 𝐁𝐋𝐎𝐎𝐃𝐋𝐄𝐓𝐓𝐈𝐍𝐆 𝐀𝐂𝐓𝐈𝐕𝐈𝐓𝐘

𝐽𝑢𝑙𝑦 27, 2025 | 𝑇𝐶𝑆-1, 𝑆𝑎𝑛 𝑃𝑎𝑠𝑐𝑢𝑎𝑙 𝑇𝐶𝑆

Sa pangengenot kan Lokal na Gobyerno kan banwaan nin Tinambac sa liderato kan satuyang matibay asin mahigos na Alkalde Hon. Edward Albert “Bobit” P. Prades, sa pakikitabangan kan Bicol Medical Center, satuya pong pinagsagibo an BLOODLETTING ACTIVITY/DONATION DRIVE igdi sa banwaan.

An aktibidad na ini, nagpapahiling nin sarong kamawotan na makatabang sa mga kahimanwa asin tugang niyatong nangangaipuhan nin dugo. Pusog nanggad asin pursigido an Lokal na Gobyerno na matabangan an siisay man na nangagaipuhan nin serbisyo urog na sa ngaran kan serbisyo nin salud.

Yaon man sa programa sina Konsehal Bobot Prades (committee on health), Konsehal Owe Velarde, asin Konsehal Jona Abiog. Dakula man an papel na ginampanan kan RHU-1, BHW’s, MDRRMO, TPSO, Tinambac Municipal Hospital, asin an Mayor’s Office Staffs na solido an suporta sa satuyang aktibidad.

Urog sa gabos an satuya pong pagpapasalamat sa gabos na mga donors kan Bloodletting, kamo po an samuyang mga bayani na dae nanggad nagsasawa o padagos an pagsuporta sa Lokal na Gobyerno asin nag-aagap na makasalbar nin buhay nin kahimanwa.

Sa gabos po na nakisumaro, nagtarabang, nagdonar, an samuya pong pagpapaabot nin dakulang pag-Dios Mabalos po saindo gabos!

Mabuhay an banwaan nin Tinambac!

Mabuhay an mga Blood Donors!