𝐋𝐆𝐔-𝐔𝐏𝐃𝐀𝐓𝐄𝐒

Agosto 17, 2025, 𝑩𝒓𝒈𝒚. 𝑨𝒈𝒂𝒚-𝑨𝒚𝒂𝒏, 𝑻𝑪𝑺

Pinagmawot na mabisita asin pinagtibay kan Lokal na Gobyerno sa pangengenot kan satuyang mahigos na Alkalde Edward Albert “Bobit” P. Prades an barangay Agay-Ayan kasabay kan selebrasyon kan saindang mahal na Fiesta.

Bilang pagpadagos nin tunay na puso sa pagseserbisyo asin paghatod nin Bagong Paglaom, nagbisita an LGU-Tinambac tanganing magdara nin programa sa mga Agay-Anon. Sa naturang okasyon, pinagtibay ni Mayor Bobit na an gobyerno lokal, kaagapay kan mga tawo sa pagresolbar nin mga problema asin pangangaipo kan komunidad.

Inot na prioridad na tinaanan duon kan alkalde iyo an Tubig na Programa na dakulaon na benepisyo para sa Agay-Ayan. Sa tabang kan mga programa asin proyekto, tinutugotan kan LGU-Tinambac na mabukasan an mas dakulang oportunidad para sa mas progresibong banwaan.

Ang pagbisita bako lang simpleng pag-attender sa fiesta kundi aktuwal na pahayag nin pagkamoot, suporta, asin pakikisumaro sa mga kahimanwa. Dakulang oportunidad man ini tanganing lalo pang mapakusog an pagkakasararo kan gobyerno asin komunidad sa pag-abot kan satuyang pangarap na mas mahamis, mas produktibo, asin mas progresibo na Tinambac.

Sa liderato ni Mayor Bobit, pinapaabot permi an mas malinaw na mensahe: “An gobyerno para sa tawo, asin an serbisyo para sa lambang Tinambacqueño.”

Padagos ta na ipagselebrar an Fiesta bilang simbolo nin pagkasararo, dusay na pamibi, asin pagkamaogma!