𝗟𝗢𝗢𝗞 | 𝐃𝐈𝐒𝐓𝐑𝐈𝐁𝐔𝐓𝐈𝐎𝐍 𝐎𝐅 𝐅𝐀𝐑𝐌 𝐈𝐍𝐏𝐔𝐓𝐒

𝑀𝑢𝑛𝑖𝑐𝑖𝑝𝑎𝑙𝑖𝑡𝑦 𝑜𝑓 𝑇𝑖𝑛𝑎𝑚𝑏𝑎𝑐

Sa paagi kan padagos na suporta asin espwerso kan satuyang mahigos na Cong. Arnie B. Fuentebella, katuwang sina Bokal Awel Llaguno asin Bokal JJ Pilapil, kaiba an Lokal na Gobyerno kan Tinambac sa matibay na liderato ni Mayor Edward Albert “Bobit” P. Prades asin an Municipal Agriculture Office na pinamamayohan ni Sir Jophet Barrameda (OIC-MAO) — naisagibo an distribusyon nin mga farm inputs para sa satuyang mga padangat na 935 na paraoma asin paratanom hali sa 44 na barangay kan banwaan.

An aktibidad may kamawotan na matabangan asin pakusugon an kapasidad kan mga paraoma asin paratanom sa banwaan sa paagi kan sustenableng pag-aagrikultura. Sa tabang kan nasambit na programa, nagkaigwa nin dakulang paglaom an mga benepisyaryo na mapaangat an saindang kabuhayan sa paagi kan mga farm inputs na magagamit sa sustenableng praktis sa agrikultura.

Yaon man sa aktibidad asin nagtao nin mga mensahe nin suporta asin inspirasyon sinda Mayor Eugene Fuentebella kan banwaan nin Tigaon asin Mayor Jovi Fuentebella kan banwaan nin Sagñay, bilang representante ni Cong. Arnie Fuentebella na padagos na nangangapudan nin pagkakasararo kan mga banwaan sa Partido sa mga programa para sa pag-uswag kan sektor nin agrikultura. Dakulang pasasalamat man sa satuyang mga Miyembro kan Sangguniang Bayan na padagos na nagsusuporta asin nagtatabang sa mga programa asin proyekto kan lokal na gobyerno urog na sa sektor nin agrikultura.

Padagos an LGU-Tinambac sa liderato ni Mayor Bobit Prades, katuwang an satuyang padaba na Cong. Arnie B. Fuentebella, sa pagpapakusog nin mga oportunidad para sa mga paraoma asin paratanom, tanganing mas lalo pang maitaas an kalidad nin buhay, asin maipangat an sektor nin agrikultura pasiring sa banwaang progresibo, produktibo, asin may dakulang paglaom.

𝑺𝒂𝒍𝒂𝒎𝒂𝒕 𝒑𝒐 𝒔𝒂 𝒑𝒂𝒈𝒑𝒂𝒅𝒂𝒏𝒈𝒂𝒕,

𝑪𝑶𝑵𝑮𝑹𝑬𝑺𝑺𝑴𝑨𝑵 𝑨𝒓𝒏𝒊𝒆 𝑩. 𝑭𝒖𝒆𝒏𝒕𝒆𝒃𝒆𝒍𝒍𝒂 𝒔𝒂 𝒃𝒂𝒏𝒘𝒂𝒂𝒏 𝒏𝒊𝒏 𝑻𝑰𝑵𝑨𝑴𝑩𝑨𝑪!

Dios Mabalos sa gabos na nagtao nin suporta asin paglaom!