𝐃𝐒𝐖𝐃 𝐂𝐀𝐒𝐇 𝐅𝐎𝐑 𝐖𝐎𝐑𝐊 𝐏𝐀𝐘𝐎𝐔𝐓

Banwaan nin Tinambac | Agosto 7, 2025

Batch 1

Ngunyan na aldaw, pinagsagibo sa banwaan nin Tinambac an enot na batch kan Cash for Work Payout na programa kan Department of Social Welfare and Development (DSWD). Ini sarong programa na mawot magtao nin ayuda pinansyal sa mga kahimanwa na napili bilang mga benepisyaryo, an mga tawo na talagang apektado asin nangangaiypo nin dugang na suporta sa pang-aroaldaw na pangangaipo.

Sa irarom kan matibay na pamamayò ni Mayor Edward Albert “Bobit” P. Prades, kaibahan an suporta asin pakikipagtabangan ninda Congressman Arnie Fuentebella, Bokal Awel Llaguno, asin JJ Pilapil, asin sa pusog na kooperasyon kan DSWD Regional Field Office V, naisagibo an payout sa matanos asin maogmang paagi.

Yaon man sa aktibidad sinda Konsehal Bobot Prades asin Owe Velarde na nagtao nin mga mensahe nin inspirasyon, pagkakasararo, asin pagtatarabangan para sa ikakauswag kan banwaan. An presensya man kan mga mahihigos asin dedikadong staff kan Municipal Social Welfare and Development Office (MSWDO), MDRRMO, TPSO, Mayor’s Office (MO), asin gabos na mga nagtarabanag, dakulang kabanga sa pagiging organisado asin epektibo kan nasambit na programa.

An Cash for Work bako sanang ayuda kundi oportunidad para sa mga benepisyaryo na makapagtrabaho sa komunidad habang pinapasiring an sadiring dignidad asin partisipasyon sa pagpauswag kan banwaan.

Ini nagpapahiling nin aktwal na serbisyong may puso asin padagos na pagtindog nin gobyerno para sa karahayan kan mga kahimanwa.

Salamat sa gabos na nagtabang asin Dios Mabalos sa padagos na pagtatarabangan!