𝐋𝐎𝐎𝐊 | DSWD CASH FOR WORK PAYOUT

𝑶𝒄𝒕𝒐𝒃𝒆𝒓 10, 2025 | 𝑴𝒖𝒏𝒊𝒄𝒊𝒑𝒂𝒍𝒊𝒕𝒚 𝒐𝒇 𝑻𝒊𝒏𝒂𝒎𝒃𝒂𝒄

Ngunyan na aldaw, pinagsagibo sa banwaan nin Tinambac an DSWD Cash for Work Payout sa mga maswerteng benepisyaryo hali sa barangay San Pascual, sa tabang asin pakikisumaro kan Department of Social Welfare and Development (DSWD). Sa liderato ni Mayor Edward Albert “Bobit” P. Prades, nagin matrayumpo asin maogma an aktibidad na nagtao nin sinserong tabang, kaogmahan asin kagianan para sa mga benepisyaryo kan programa.

An nasabing payout iyo an paagi kan gobyerno na makatabang sa mga Tinambacqueño na nagtao nin serbisyo sa komunidad sa paagi nin cash-for-work — saro sa mga programa na nagmamawot na magtao nin pansamantalang kabuhayan asin oportunidad para sa mga pamilya.

An satuyang dakulang pagpapasalamat kay Ma’am Princess Margarette Alexis Duro (DSWD Staff, Satellite Office), Sir Aljun Abrazado, Special Program Officer asin Ma’am Maria Julia Dela Cruz, DSWD Focal Person, sa saindang padagos na suporta asin dedikasyon tanganing magin makahulugan an nasabing aktibidad.

An LGU-Tinambac, sa lindong kan administrasyon ni Mayor Bobit Prades, padagos sa pag-implementar nin mga programa na tunay na nag-aangat kan kalidad nin buhay kan mga kahimanwa. Dakul pang mga programa an maabot asin siguradong makakaabot sa lambang Tinambacqueño na may tiwala asin dakulang pagkamoot.