𝗗𝗦𝗪𝗗 𝗪𝗔𝗟𝗔𝗡𝗚 𝗚𝗨𝗧𝗢𝗠 𝗣𝗥𝗢𝗚𝗥𝗔𝗠 | 𝗗𝗔𝗬 𝟮 𝗥𝗘𝗗𝗘𝗠𝗣𝗧𝗜𝗢𝗡

Municipal Sports Complex, Tinambac, Camarines Sur

October 10, 2025

Padagos an maray na kooperasyon asin pagkasararo kan Lokal na Gobyerno nin Tinambac, sa liderato ni Mayor Edward Albert “Bobit” P. Prades, katuwang an Department of Social Welfare and Development (DSWD) sa implementasyon kan Walang Gutom Program, sarong inisyatibo na may katuyuhan na makatabang na mapamaray an kalidad nin buhay kan mga pamilyang Tinambacqueño na urog na nangangaipuhan.

Pinanginotan an aktibidad ni Ms. Maria Julia L. Dela Cruz, MSWD Focal Person, katuwang an Municipal Social Welfare and Development Office (MSWDO), Sangguniang Bayan Members, asin iba pang mga empleyado kan lokal na gobyerno na nagtarabang tanganing maging maayos asin sistematiko an aktibidad. Maayos an naging proseso nin validation, distribution, asin documentation tanganing maseguro na an mga kwalipikadong pamilya an makakabinepisyo. Dakula an papel kan mga volunteers asin implementing teams na nagtabang sa organisado asin malinaw na pagpadalagan kan aktibidad.

An LGU-Tinambac asin DSWD nagpapahiling nin padagos na kolaborasyon kan lokal asin nasyonal na gobyerno tanganing maseguro na bakong saro sana nin pamilya an makikinabang. Padagos man an administrasyon ni Mayor Bobit Prades sa pagtulod nin Serbisyong masasarigan — serbisyong tapat, mapapakinabangan, asin may pagkamuot para sa lambang Tinambaqueño na dalan sa pasiring sa banwaang progresibo!