Sa padagos na pag-ataman sa seguridad asin kapakanan kan mga Tinambaqueño, nagbisita man an satuyang mapagpadaba na Alkalde Bobit Prades sa mga evacuees na yaon sa Poblacion Evacuation Centers — TCS-1, TCS-2, asin Sogod Elementary School. Kaiba sa aktibidad an mga konsehal na Jona Abiog, Bobot Prades, asin Owe Velarde, na nagpaabot nin marikas na suporta asin kamot-tabang sa mga naapektaran kan kalamidad.

Dakula an pagpapasalamat sa mga barangay leaders na pirming udok sa boot an serbisyo, lalo na kina Kapitan Abner Abrera, asin Kapitan Danny Milanay, na dai nagpabaya sa pagbantay asin pagseguro sa kaligtasan kan saindang mga nasasakupan. Kaiba man an dakulang tabang kan mga tanod, BLS/BHW, asin iba pang personahe na pirming nakasentro sa pagmonitor asin pagtutok sa mga evacuees.

Dakulang pasasalamat man sa mga volunteers na nagbulos nin oras, kusog, asin puso para sa repacking asin distribusyon kan mga ayudang pinadara sa evacuation centers. Dai matatawaran an saindang dedikasyon na nagpaandar kan operasyon, mabalos sa Mdrrmo Tinambac, GSO, DSWD, TPSO, TASK FORCE, BFP, PNP, Philippine Army, Coast Guard, Bagaong Paglaom Staff and Volunteers, Mayor’s Office, mga tanod, appointed officials asin iba pang mga personahes na nagtaong kagianan sa sitwasyon kan mga pamilyang ,naapektaran.

Ini sarong ehemplo nin tunay na bayanihan: na kung nagtatarabangan an lokal na gobyerno, mga opisyal, asin komunidad, mas nagiging marikas, organisado, asin epektibo an pagtubod sa lambang krisis.

Padagos po an LGU Tinambac sa misyon kaini—serbisyo na may puso, paghiro na may direksyon, asin lideratong nakatuon sa kapakanan kang gabos na Tinambaqueño.