𝗙𝗶𝗿𝘀𝘁 𝗔𝗶𝗱 𝗮𝗻𝗱 𝗕𝗮𝘀𝗶𝗰 𝗟𝗶𝗳𝗲 𝗦𝘂𝗽𝗽𝗼𝗿𝘁 𝗳𝗼𝗿 𝗔𝗱𝘂𝗹𝘁 𝗧𝗿𝗮𝗶𝗻𝗶𝗻𝗴 | 𝗗𝗶𝘀𝗮𝘀𝘁𝗲𝗿 𝗣𝗿𝗲𝗽𝗮𝗿𝗲𝗱𝗻𝗲𝘀𝘀 𝗮𝗻𝗱 𝗘𝗺𝗲𝗿𝗴𝗲𝗻𝗰𝘆 𝗤𝘂𝗶𝗰𝗸 𝗥𝗲𝘀𝗽𝗼𝗻𝘀𝗲

𝐁𝐚𝐭𝐜𝐡 2 (𝐁𝐀𝐓𝐂𝐇 𝐏𝐔𝐒𝐎𝐆)

Kansuodma, Nobyembre 23, 2025, pinagsagibo an First Aid and Basic Life Support for Adult Training sa banwaan nin Tinambac. Ini igwang suporta asin panginginot kan Lokal na Gobyerno sa liderato ni Mayor Bobit Prades, kaiba an pusog na koordinasyon kan Philippine Red Cross–Camarines Sur Chapter sa paagi ni Sir Bryan P. Amante – CSR-FG/DMS/SS, asin kooperasyon kan Local Youth Development Office. Dakula man an papel kan Copenhagen Offshore Partners sa paagi ni Sir Nathaniel Alviso – Community Manager, tanganing matrayumpong maipaabot asin mareyalisar an aktibidad. Yaon man si Konsehal Bobot Prades na nagtao nin mensahe nin kahalagahan kan kahandaan kan lambang komunidad sa oras na igwang remalaso o emerhensiya.

Saro ini sa mga prayoridad na programa kan LGU-Tinambac na nakasentro sa pagtao nin seguridad, kahanda’an, asin kaligtasan para sa gabos na Tinambaqueños.

An serye nin workshop asin mga praktikal na training pinagtukar asin pinanginotan kan mga matitibay na volunteers kan Philippine Red Cross–Camarines Sur Chapter na sina Thomas Philip S. Palaypayon asin Marco M. Vistan SSI– Safety Service Instructor, kaiba an iba pang dedikadong volunteers.

Nagpapasalamat kita sa gabos na nagpartisipar asin nagtao nin oras sa okasyon. Dakulaon an pasasalamat sa:

Mga Barangay Officials, SK Officials, Barangay Health Workers, Barangay Nutrition Scholar, Barangay Electrician, Barangay Tanod, asin Zone Presidents kan:

• Barangay Cagliliog– Kap. Raul San Antonio
• Barangay Daligan – Kap. Edith Tumampil
• Barangay Salvacion Pob – Kap. Abner Abrera
• Barangay Sogod – Kap. Danny Milanay
• Barangay Buenavista- Kap. Boboy Ansano

Siring man sa satuyang matitibay na Municipal Disaster Risk Reduction and Management Rescuers kan Tinambac na sa anuman na emehensiya na perming alerto, alisto asin preparado na nagseserbi sa lambang komunidad na may dedikasyon asin honra nin pagtabang.

Padagos an paghinguha kan LGU-Tinambac sa pagtao nin mga programang makakatabang sa pagpakusog kan kapasidad asin kahanda’an kan komunidad, tanganing pirming prayoridad an kaligtasan asin kapakanan kan lambang namamanwaan.

Salamat asin Dios Mabalos!