𝐇𝐀𝐏𝐏𝐘 𝐄𝐋𝐃𝐄𝐑𝐋𝐘 𝐖𝐄𝐄𝐊

10.03.25 | 𝐓𝐢𝐧𝐚𝐦𝐛𝐚𝐜 𝐌𝐮𝐧𝐢𝐜𝐢𝐩𝐚𝐥 𝐏𝐥𝐚𝐳𝐚

Part 1

An Lokal na Gobyerno nin Tinambac, sa pamamayo ni Mayor Edward Albert “Bobit” P. Prades, nagselebrar nin Linggo ng Katandaan na ginibo digdi mismo sa satuyang banwaan. Ini sarong espesyal na okasyon na dulot sa dedikasyon, pagkamoot asin dakulang kontribusyon kan satuyang mga kamagurangan — an mga harigi nin pamilyang Tinambaqueño, mga naging tulay nin kasaysayan, asin padaba na magurang kan satuyang komunidad.

An programa pano nin kaogmahan, pagpapahalaga, asin pagkamoot. Sa aldaw na ini, an mga nanay asin tatay nin banwaan nagresibe nin regalo hali sa LGU-Tinambac. Sa primerong pagkakataon, dakulang kaogmahan lalong lalo na an itinaong libreng maintenance na bulong na saindang naresibe mismo sa okasyon. Ini padagos na gigibuhon kan LGU-Tinambac na maitao sa mga padaba niyatong kamagurangan an saindang mga pangangipuhan. An siring na inisyatibo, bako lang tabang medikal kundi sarong simbolo nin pagrespeto asin pagkamuot sa mga taong nagtao nin marhay na pundasyon sa banwaan.

Yaon man an dakulang suporta kan Sangguniang Bayan Members: Kgd. Itoy Velarde, Owe Velarde, Jona Abiog, Bobot Prades, Glenn Abiog, Kikay Delos Reyes asin Gina Brioso, kasabay an suporta kan Municipal Federation of Senior Citizens asin DSWD. Sinda nagin katuwang para magin matrayumpo asin makabuluhan an seremonya.

Sa aldaw na ini, ipinahiling kan LGU-Tinambac na an satuyang mga kamagurangan tunay na inspirasyon asin dai pwedeng lingawan. Ang marhay na pag-ataman sainda iyo an padagos na pangako kan satuyang lokal na gobyerno—tanganing an saindang mga huring taon maging mabaskog, mas mahamis, asin mas makusog.

An LGU-Tinambac padagos na nagtatao nin pagkamoot asin bagong paglaom para sa mga lolo’t lola na satuyang tunay na bayani nin pamilya asin komunidad.

Padagos niyatong padangaton an satuyang mga senior citizens!