“Sarong Ligtas na Banwaan: Incident Command System Executive Course.”

Hulyo 11, 2025, an satuyang aktibo asin dedikadong Alkalde Edward Albert “Bobit” P. Prades nagpartisipar sa pigsaguibong Incident Command System Executive Course na pig organisar kan Department of the Interior and Local Government (DILG) Regional Office V, Office of Civil Defense Region V, asin kan Camarines Sur – Environment Disaster Management and Emergency Response Office (EDMERO) sa banwaan nin Pili, Camarines Sur.

An nasabing kurso ehikutibo, nagtatao nin oportunidad sa mga lideres lokal na magkaigwa nin mas hararom na pagkanuod asin eksperyensya sa pag-atubang kan mga kalamidad asin ano man na emerhensiya, siring man an saindang katongdan asin responsibilidad sa pagmantiner kan seguridad asin kaligtasan kan mga namamanwaan.

Sa pagigin parte kan nasabing aktibidad, mawot ipaheling ni Alkalde Bobit Prades an saiyang malasakit, asin dedikasyon sa pagpauswag kan satong padangat na banwaan, kaibahan digdi an pagrotehir kan buhay, asin kabuhayan kan lambang Tinambaqueño.

An siring na mga lakdang labi ka- importante para sa pagkakaugwa nin sarong ligtas, matanos, silag, asin progresibong banwaan nin Tinambac kun saen an mga namamanwaan tinatawan oportunidad na mapatalubo asin maipahiling an lambang potensyal.