𝐈𝐍𝐒𝐏𝐄𝐊𝐒𝐘𝐎𝐍 𝐊𝐀𝐍 𝐒𝐔𝐏𝐄𝐑𝐇𝐄𝐀𝐋𝐓𝐇 𝐂𝐄𝐍𝐓𝐄𝐑 𝐏𝐑𝐎𝐉𝐄𝐂𝐓

Barangay Sta. Cruz, Tinambac

“Serbisyong Salud, Serbisyong para sa gabos.”

Pinanginotan ni Mayor Edward Albert “Bobit” Prades kaibahan an Municipal Engineering Office an aktuwal na inspeksyon kan na proyekto na Superhealth Center sa barangay Sta. Cruz, Tinambac.

“Serbisyong Salud para sa Gabos” — Ini an padagos na inspirasyon asin gabos na ginigibo kan satuyang lokal na gobyerno: an maipadanay an dekalidad, kumpleto, asin episyenteng serbisyo-medikal na abot kan lambang pamilyang Tinambacqueño.

An proyekto hali sa Nasyonal na Gobyerno sa paagi kan Department of Health. An bagong edipisyo hospital, bubuksan bilang dugang na sentro-medikal na para magtao nin serbisyong medikal sa lambang Tinambacqueños.

Sa pagbubukas kaini, dai na kaipuhan pa magbiyahe nin harayo an satuyang mga kahimanwa tanganing makaduman sa hospital o magpa-check up. Digdi mismo sa banwaan, yaon na an serbisyong salud na para talaga sa gabos.

Ini nagpapahiling kan matibay na dedikasyon kan LGU Tinambac na saro sa prayoridad an salud asin kapakanan kan komunidad—bako lang para sa ngonyan kundi para sa mas maray na masunod na henerasyon.