𝐋𝐆𝐔-𝐓𝐈𝐍𝐀𝐌𝐁𝐀𝐂 𝐒𝐔𝐏𝐏𝐎𝐑𝐓𝐒 𝐂𝐒𝐂 𝐌𝐎𝐍𝐓𝐇

Sa primerong aldaw kan Oktubre, katakod kan selebrasyon kan Civil Service Month, nagpahiling nin marhay na inisyatibo an LGU-Tinambac, sa pamamayo ni Mayor Bobit Prades, sa paagi nin libreng livelihood training programs para sa mga empleyado kan lokal na gobyerno.

An nasambit na aktibidad nagtao nin dakulang oportunidad tanganing mas lalo pang mapakusog an kasanayan, pagpalawig nin kaaraman, asin paghatod nin praktikal na benepisyo na makakatabang sa personal asin propesyonal na aspeto kan satuyang mga lingkod-bayan.

Dakula an pasasalamat sa HRMO Office na pinapamayuhan ni Ma’am Diane Cortan asin Ma’am Melody Velarde bilang nagin katuwang asin nanginot sa programa, kaiba an suporta kan KALIPI na naghatod nin kusog asin dedikasyon sa nasabing training. Yaon man si Kgd. Bobot Prades na padagos an suporta sa mga empleyado asin magagayon na programa kan satuyang banwaan.

An nasabing aktibidad nagpapatibay nin pwersa asin dedikasyon kan satuyang mga lingkod-bayan. Sa paagi nin aktibong partisipasyon, ipinahiling kan mga empleyado an marikas na espiritu nin pagkakasararo, kooperasyon, asin paglaom—matibay na pundasyon para sa mas progresibong banwaan.