Pormal na pig-designar ngunyan na Lunes ni Mayor Edward Albert “Bobit” P. Prades si Mr Alrey B. Furio bilang Focal Person for Public-Private Partnership Projects, asin Focal Person for Farm to Market Road Monitoring. Ini tanganing hanapan paagi kun panong mas pang makakatuwang an pribadong sektor sa maninigong pagmanehar kan mga pasilidad asin rekurso kan lokal na gobyerno. Parte man kan magigin trabaho ni Mr Furio iyo an pagriparo kan mga patinampo kan munisipyo na nagmamawot na urog pang mairani an mga paratanom kan banwaan sa mga parabakal kan saindang mga produkto–na saro sa mga prayoridad ni Mayor Prades.