𝐎𝐀𝐓𝐇 𝐓𝐀𝐊𝐈𝐍𝐆 𝐂𝐄𝐑𝐄𝐌𝐎𝐍𝐘 𝐎𝐅 𝐆𝐏𝐓𝐀 𝐎𝐅𝐅𝐈𝐂𝐄𝐑𝐒 𝐎𝐅 𝐓𝐂𝐒

Ngunyan na aldaw nin Huwebes, Setyembre 11, 2025, sa okasyon kan Tinambac Central School I, kun saen naimbitaran man an satong gobyerno lokal, pormal na pinasumpa ni Konsehal Glenn F. Abiog an mga bagong elehidong opisyales kan General Parent-Teacher Association kan eskwelahan. Si Konsehal Abiog iyo man an pamayo kan Komitiba sa Edukasyon kan ika- 15th Sangguniang Bayan asin iyo man ang nagrerepresentar ki Mayor Edward Albert “Bobit” P. Prades sa okasyon.

Sa ginibong Oath Taking Ceremony, nagtao man nin halipot na mensahe si Konsehal Abiog manungod sa mga programa asin proyekto kan satong lokal na gobyerno sa lado kan edukasyon. Sa administrasyon ni Mayor Prades, padagos an pag- gibo nin mga lakdang ta nganing mas lalo pang pahiwason asin padakulaon an mga programa na mataong dakulang oportunidad pasiring sa mas dekalidad na edukasyon kan lambang pamilyang Tinambacqueño.

Sa liwat, congratulations po saindo gabos, sa ngaran kan Lokal na Gobyerno kan Banwaan nin Tinambac.