IN PHOTOS | Pagbisita sa mga Evacuation Centers

Dae man nagtugot an satuyang mahigos na Alkalde Bobit Prades na dae madumanan an mga kahimanwa na evacuees sa Barangay Magtang asin Union, kun sain tulos kitang nagpadara nin magkakaigong asistensya para sa sainda. Kaibahan man sa pagbisita sina Konsehal Jona Abiog, Konsehal Bobot Prades, asin Konsehal Owe Velarde.

Dakula man an pasasalamat sa satuyang mga aktibong barangay officials, lalo na kina Kapitana Luisa Delos Santos asin Kapitan Hernel Bañares na yaon mismo sa aktibidad, sagkod sa mga tanod asin mga sa iba pang appointed officials na nagtabang para mapadali an pagmonitor asin pag-evacuar kan satuyang mga kahimanwa.

Salamat man po sa gabos na nagtarabang asin nagvolunteer puon sa repacking hanggang sa pagdistribuer kan asistensya sa satuyang mga evacuation centers. Dakula an tabang kan lambang saro tanganing mas maging andam an satuyang banwaan asin mapagian an trabaho kan LGU Tinambac para sa seguridad asin kapakanan kan satuyang mga kahimanwa.