𝐏𝐑𝐄-𝐀𝐒𝐒𝐄𝐒𝐒𝐌𝐄𝐍𝐓 𝐂𝐎𝐎𝐊𝐄𝐑𝐘 𝐍𝐂 𝐈𝐈 – 𝐓𝐄𝐒𝐃𝐀 𝐒𝐊𝐈𝐋𝐋𝐒 𝐓𝐑𝐀𝐈𝐍𝐈𝐍𝐆 𝐈𝐍 𝐓𝐈𝐍𝐀𝐌𝐁𝐀𝐂

IN PHOTOS | Kaining bulan nin Disyembre 2025, sa paagi kan Local Government Unit of Tinambac, sa liderato ni Municipal Mayor Edward Albert “Bobit” P. Prades, kinundusir an Pre-Assessment kan TESDA Cookery NC II Course para sa sampulong (10) benepisyaryo kan Walang Gutom Program. Tuyo kaining programa na matukduan an mga partisipante nin mga esensyal na kusinang pagkanuod para sa mas epektibo, magayon, asin marhay na oportunidad nin kabuhayan.

Sa giya ni PESO Focal Person Mr. John Patrick Parde Borja, asin sa pagtutukdo ni Ma’am Rhode Frances Tuazon Paglinawan kan TESDA CASIFMAS, an mga trainees naka-enrol sa sarong 43-day intensive training na kung sain ini madali na nindang matapos. Sa paagi nin hands-on asin aktwal na pagtrabaho sa kusina, dai sana sinda nakakanuod sa pag-adal nin basic hanggang advanced culinary techniques, alagad an mga trainees, nagpahiling kan saindang kakayahan sa food preparation, flavor balancing, asin culinary presentation.

Tinutuyo kaining mga programa na makapagtao nin praktikal, empleyableng kasanayan para sa mas dakul pang Tinambacqueños. Ini gabos nagpapahiling kan padagos na dedikasyon kan Lokal na Gobyerno kan Tinambac, sa pamamayo ni Mayor Bobit Prades, sa pag-angat kan komunidad sa paagi nin empowerment, skills development, asin pagluwas nin mas halangkaw na oportunidad nin trabaho.

Katabang an TESDA, mawot kan satong lokal na gobyerno na an Tinambac padagos na magin progresibo tanganing an lambang kahimanwang Tinambacqueño may oportunidad na mag asenso!