𝐏𝐑𝐎𝐉𝐄𝐂𝐓 𝐈𝐍𝐒𝐏𝐄𝐂𝐓𝐈𝐎𝐍 𝐔𝐏𝐃𝐀𝐓𝐄

𝑭𝒂𝒓𝒎 𝒕𝒐 𝑴𝒂𝒓𝒌𝒆𝒕 𝑹𝒐𝒂𝒅 @ 𝑩𝒓𝒈𝒚. 𝑪𝒂𝒏𝒂𝒚𝒐𝒏𝒂𝒏, 𝑻𝒊𝒏𝒂𝒎𝒃𝒂𝒄

“An Farm-to-Market Road, bako lang basta agihan kan produkto, kundi agihan man ini nin paglaom, oportunidad, asin progreso para sa Barangay Canayonan asin sa satong banwaan.”

Bilang patunay sa padagos na dedikasyon kan lokal na gobyerno sa pagtao nin dekalidad na serbisyo asin imprastruktura, personal na binisita ni Mayor Edward Albert “Bobit” Prades, kasabay an Municipal Engineering Office, an inspeksion kan Farm-to-Market Road Project sa Barangay Canayonan, Tinambac.

An proyekto, bilang saro sa mga prayoridad, dakulang tabang para sa ikakauswag kan banwaan. Sa paagi kaini, mas mapapadali asin pagdara kan mga produkto pasiring sa merkado. Mas maray asin mas ligtas an biyahe kan mga residente, estudyante, asin mga motorista. Siring man magdadara ini nin panibagong oportunidad sa ikinabubuhay, negosyo, asin komersyo kan barangay Canayonan.

Sa mismong inspeksion, tinaanan duon ni Mayor Prades na nasusunod an kalidad kan materyales asin hustong proseso kan konstruksyon. Sa saiyang pagbisita, patunay ini na an proyekto dai lang basta dalan kundi tanda nin pag-uswag, pagkasararo, asin paglaom para sa Barangay Canayonan asin sa bilog na Tinambac.