𝐑𝐞𝐧𝐨𝐯𝐚𝐭𝐢𝐨𝐧 𝐬𝐚 𝐌𝐮𝐧𝐢𝐬𝐢𝐩𝐲𝐨, 𝐒𝐢𝐬𝐢𝐦𝐮𝐥𝐚𝐧 𝐍𝐚

Agosto 1, 2025 | Bayan ng Tinambac

Pinangunahan ni Mayor Edward Albert “Bobit” P. Prades ang pangalawang onsite inspection sa gusali ng munisipyo bilang bahagi ng planong renovation na matagal nang hinihintay ng mga mamamayan ng Tinambac.

Kasama sa inspeksyon si Engr. Berlin Dimaculangan at ang mga arkitekto mula sa DPWH 4th District Engineering Office, na nagsuri sa kalagayan ng gusali—mula estruktura hanggang sa mga bahagi na kailangang kumpunihin o i-upgrade.

Sa suporta nina Congressman Arnie Fuentebella at ng Department of Public Works and Highways (DPWH), ang proyektong ito ay naglalayong gawing mas ligtas, mas maayos, at mas angkop sa pangangailangan ng publiko ang municipal building.

Ito ay hindi lamang simpleng renovation—ito ay simbolo ng seryosong pamumuno at tunay na malasakit sa serbisyo publiko.